Florencio Delgado Gurriarán é o autor homenaxeado este 2022 polo Día das Letras Galegas. Galeguista comprometido con Galicia, co galego e coas inxustizas sociais, preocupado pola emigración, a toponimia, a sociolingüística ou a natureza, moi presentes na súa obra, formou parte do Seminario de Estudos Galegos, das Irmandades da Fala e do Partido Galeguista, e traballou polo rexurdimento literario dos anos 30 e a defensa do Estatuto de Autonomía de 1936, aínda que tamén viviu momentos difíciles como a Guerra Civil ou o exilio.
A Real Academia Galega ofrece información deste autor a través diferentes voces que afondan na súa vida e obra. Tamén o público infantil poderá achegarse a esta figura no espazo Primavera das Letras
Como cada ano, o Concello de Narón quere renderlle unha pequena homenaxe á figura elixida para a conmemoración do Día das Letras Galegas a través do N de Narón. A festa das letras, un programa de actividades para o público familiar que se desenvolverá o 17 de maio na praza da Lectura (Vivendas da Mariña), no que tamén participa o Servizo de Normalización Lingüística.
12.00 h Diferentes diferenzas con Silvia Penide (contos e cancións)
12:45 h Rilla rilla con Xarope Tulú (teatro interactivo)
16:00 h Obradoiro das Efémeras (obradoiro de pintura sobre cartón reciclado)
17:00 h Lúa triangular con Jara Ortiz (contacontos musical)
17:45 h A ovella Engracia con Aldaolado (narración oral e música)
18:45 h As Efémeras (concerto)
“Nosa Galicia é máis que toda a Terra
Galicia só limita coa Saudade,
elástica fronteira
que serve para o tempo e para o espacio
-onde un galego está, atópase ela mais
que ninguén atravesala pode
inda que leve nos papés: poeta”.
Galicia infinda
Máis información: www.naron.es – Novas
Descarga aquí o cartel
