Para todas esas persoas que queredes vivir un Nadal en galego, desde o Servizo de Normalización Lingüística do Concello de Narón presentámosvos algúns recursos e actividades para todos os públicos!!
Obradoiro de cantos de Nadal
Este obradoiro, impartido por Semente de Trasancos, busca poñer en valor a celebración do Nadal en galego, coa recuperación dos cantos de Nadal, así como visibilizar o comercio local de Narón, e incrementar a presenza do galego neste sector.
As persoas participantes aprenderán algúns cantos tradicionais de Nadal para ir despois acompañando a Semente de Trasancos por algúns comercios da Gándara a cantalos e a pedir o aguinaldo.
https://naronengalego.gal/actividades/obradoiro-de-cantos-de-nadal-con-semente-de-trasancos/
Felicita o Nadal en galego
O SNL do Concello de Narón pon á vosa disposición postais chulísimas para que felicitedes o Nadal á vosa familia e amizades. Este ano inclúe unha nova do muíño de Xuvia!! Podedes descargalas neste enlace:
https://naronengalego.gal/dinamizacion/#nadal
Recursos do Apego
Na web do programa Apego, no que participa o Concello de Narón, podedes atopar todos estes recursos marabillosos para vivir un Nadal en familia e en galego!!! (no apartado de recursos> descargables e imprimibles)
Carta para os seres máxicos do Nadal
Proposta de agasallos para as cartas
