O Servizo de Normalización Lingüística do Concello de Narón presenta unha nova proposta de actividades dirixidas ás familias do programa Apego.
A programación deste outono de 2026 consta de catro sesións nas que teñen cabida contos, cancións, teatro e monicreques. As actuacións desenvolveranse os mércores 30 de setembro, 14 de outubro, 11 e 25 de novembro ás 17:00 horas no centro cívico social de San Xiao.
As propostas son as seguintes:
- 30 setembro.- Os libros da titiriteira de A Xanela do Maxín
- 14 outubro.- Colorín, colorete de Charo Pita
- 11 novembro.- A loba Antea de As dos Contiños
- 25 novembro.- Animaladas de Calavera Teatro
As actividades son de balde, mais para poder participar será precisa inscrición previa no correo electrónico a.pita@naron.gal. Na inscrición deben aparecer os seguintes datos: nome da actividade, nome e idade do neno ou nena, nome da nai, pai ou persoa acompañante, enderezo electrónico e teléfono de contacto.
Pódese consultar toda a información na web do Apego www.apego.gal e do Servizo de Normalización Lingüística do Concello de Narón www.naronengalego.gal, no apartado de actividades.
Descarga o cartel
