No marco da Semana da Mobilidade que organiza o departamento de Educación Viaria do Concello de Narón, o Servizo de Normalización Lingüística dentro do proxecto Guizo programa unha ruta en bici pola senda que discorre entre Freixeiro e Xuvia para gozar da paisaxe de Narón e coñecer información curiosa sobre o noso contorno e para coñecer o funcionamento do tanque de tormentas situado nas Aceas.

Data: sábado, 16 de setembro de 2023

Horario: ás 11:00 h (duración aproximada 2 horas)

Lugar: saída do parque de Freixeiro ata o paseo de Xuvia (con parada no tanque de tormentas e en diferentes puntos da senda) e volta ao parque de Freixeiro.

Destinatari@s: dirixido a nenos e nenas de 6 a 12 anos e as súas familias. Poderán asistir un máximo de 15 nen@s, que irán acompañad@s dunha persoa adulta.

Organiza: Servizo de Normalización Lingüística – Concellaría de Política Lingüística do Concello de Narón (proxecto Guizo)

Actividade de balde, mais precisa inscrición previa a través de a.pita@naron.gal

Na inscrición deben aparecer os seguintes datos:

• nome da actividade
• nome e apelidos, data de nacemento e DNI do neno ou nena
• nome e apelidos, data de nacemento e DNI da nai, pai ou persoa acompañante
• enderezo electrónico
• teléfono de contacto

O prazo de inscrición estará aberto desde o luns 11 de setembro de 2023 ás 10:00 h ata o venres 15 de setembro ás 12:00 h. A participación será por estrita orde de inscrición.

Podes descargar aquí o cartel