Narración oral e música infantil

A través dun conto coñecemos como un neno se marcha a vivir a casa dos avós durante unha tempada. Alí descubrirá a música e a composición. Pouco a pouco vai aprendendo a tocar a guitarra e a pandeireta, coñecemento que lle axuda a crear as súas cancións.

O ambiente íntimo, case de confidencia, e a alegría de compoñer melodías acompañan o espectáculo desde o comezo ata o final.

Data: mércores, 27 de novembro de 2024

Horario: ás 17:00 h (duración aproximada 1 hora)

Lugar: centro cívico social de San Xiao de Narón

Destinatari@s: recomendado para nenos e nenas de 2 a 6 anos e as súas familias. Poderán asistir un máximo de 25 nen@s, que irán acompañad@s de, como mínimo, unha persoa adulta.

Organiza: Servizo de Normalización Lingüística – Concellaría de Política Lingüística do Concello de Narón (proxecto Apego)

Actividade de balde, mais precisa inscrición previa a través de a.pita@naron.gal

Na inscrición deben aparecer os seguintes datos:

• nome da actividade
• nome e idade do neno ou nena
• nome da nai, pai ou persoa acompañante
• enderezo electrónico
• teléfono de contacto

A participación será por estrita orde de inscrición.

Descarga aquí o cartel